jo mai dil se piye koi to phir raKHne nahin rahte

jo mai dil se piye koī to phir raḳhne nahīñ rahte

zarā ye saaf kar lī jaaye phir tinke nahīñ rahte

hamārā mai-kada mahfūz hai tāsīr-e-mausam se

yahāñ shīshe bhare jāḌoñ meñ bhī ThanDe nahīñ rahte

sharāb-e-nāb ke piine se haañ itnā to hotā hai

paḌe rahte haiñ jo āñkhoñ pe vo parde nahīñ rahte

qayām-e-mai-kada ke vāste iqrār kyuuñ saaqī

pilā.egā to rah jā.eñge aur vaise nahīñ rahte

libās-e-zāhirī par mai se be-shak daaġh paḌte haiñ

magar piine se andar qalb ke dhabbe nahīñ rahte

nahīñ detā jo mai achchhā na de terī ḳhushī saaqī

pyāle kuchh hamesha taaq par rakhe nahīñ rahte

chhupā.e kis tarah zāhid se rāz-e-mai-kashī koī

ye hazrat mai-kashoñ kā haal be-pūchhe nahīñ rahte

namāzoñ se thake zāhid to mai-ḳhāne meñ aa jaanā

ye uThne-baiThe ke is jagah jhagḌe nahīñ rahte

ḳhudā ke dāman-e-rahmat se apnā dāman-e-isyāñ

ye kyā Tāñkegā jis ke aañkh meñ Dore nahīñ rahte

qayāmat meñ kahīñ mai-ḳhvār bhūke uThne vaale haiñ

jo is duniyā meñ us ke fazl se pyāse nahīñ rahte

ye kah kar ḳhāna-e-turbat se ham mai-kash nikal bhāge

vo ghar kyā ḳhaak patthar hai jahāñ shīshe nahīñ rahte

na karnā baat bhūle se bhī zāhid bāda-ḳhvāroñ se

ye be-Dhab aadmī haiñ naam be-pūchhe nahīñ rahte

hamāre mai-kade meñ ḳhair se har chiiz rahtī hai

magar ik tiis din ke vāste roze nahīñ rahte

vo aa.eñ to sahī mai-ḳhāna-e-ulfat meñ ai 'muztar'

na pahchāneñ unhaiñ behosh ham itne nahīñ rahte

jo mai dil se piye koi to phir raKHne nahin rahte

zara ye saf kar li jaye phir tinke nahin rahte

hamara mai-kada mahfuz hai tasir-e-mausam se

yahan shishe bhare jaDon mein bhi ThanDe nahin rahte

sharab-e-nab ke pine se han itna to hota hai

paDe rahte hain jo aankhon pe wo parde nahin rahte

qayam-e-mai-kada ke waste iqrar kyun saqi

pilaega to rah jaenge aur waise nahin rahte

libas-e-zahiri par mai se be-shak dagh paDte hain

magar pine se andar qalb ke dhabbe nahin rahte

nahin deta jo mai achchha na de teri KHushi saqi

pyale kuchh hamesha taq par rakhe nahin rahte

chhupae kis tarah zahid se raaz-e-mai-kashi koi

ye hazrat mai-kashon ka haal be-puchhe nahin rahte

namazon se thake zahid to mai-KHane mein aa jaana

ye uThne-baiThe ke is jagah jhagDe nahin rahte

KHuda ke daman-e-rahmat se apna daman-e-isyan

ye kya Tankega jis ke aankh mein Dore nahin rahte

qayamat mein kahin mai-KHwar bhuke uThne wale hain

jo is duniya mein us ke fazl se pyase nahin rahte

ye kah kar KHana-e-turbat se hum mai-kash nikal bhage

wo ghar kya KHak patthar hai jahan shishe nahin rahte

na karna baat bhule se bhi zahid baada-KHwaron se

ye be-Dhab aadmi hain nam be-puchhe nahin rahte

hamare mai-kade mein KHair se har chiz rahti hai

magar ek tis din ke waste roze nahin rahte

wo aaen to sahi mai-KHana-e-ulfat mein ai 'muztar'

na pahchanen unhain behosh hum itne nahin rahte