phunke deta hai kisi ka soz-e-pinhani mujhe

phūñke detā hai kisī kā soz-e-pinhānī mujhe

ab to merī aañkh bhī detī nahīñ paanī mujhe

maut se aur marte dam ho yuuñ pashemānī mujhe

itnā halkā kar na ai tarz-e-girāñ-jānī mujhe

marte dam karnī paḌī hai un kī mehmānī mujhe

saḳht mushkil ho ga.ī hai merī āsānī mujhe

bahr-e-ulfat degā lutf-e-soz-e-pinhānī mujhe

aag ke andar jalāne le chalā paanī mujhe

gor detī hai naved-e-rasm-e-mehmānī mujhe

ghar basāne le chalī hai merī vīrānī mujhe

khīñchne de zahmat-e-chāh-e-zanaḳhdānī mujhe

ai muqaddar kuchh dinoñ bharne de ye paanī mujhe

sīñchtī hai ulfat-e-chāh-e-zanaḳhdānī mujhe

de rahā hai mere yūsuf kā kuaañ paanī mujhe

vaqt-e-āḳhir yaad hai saaqī kī mehmānī mujhe

marte marte de diyā añgūr kā paanī mujhe

vo mirī sūrat to dekheñ apnī sūrat ke liye

kaash ā.īna banā de merī hairānī mujhe

kaT gayā hai vasl se pahle zamāna umr kā

haaye dhokā de gayā bahtā huā paanī mujhe

dāman-e-sahrā se lūñgā mar ke vahshat meñ kafan

ik nayā joḌā panhā.egī ye uryānī mujhe

mire gul ko lā ye apne phuul le jā andalīb

aise kāñToñ se nahīñ fāñseñ nikalvānī mujhe

tum agar chāho to miTTī se abhī paidā hoñ phuul

maiñ agar māñgūñ to dariyā bhī na de paanī mujhe

tishna-kāmī is ko kahte haiñ ki bahr-e-ishq meñ

maiñ agar utrūñ to uupar pheñk de paanī mujhe

aisī mushkil tum ne Daalī hai ki jab mar jā.ūñgā

muddatoñ royā karegī merī āsānī mujhe

phunke deta hai kisi ka soz-e-pinhani mujhe

ab to meri aankh bhi deti nahin pani mujhe

maut se aur marte dam ho yun pashemani mujhe

itna halka kar na ai tarz-e-giran-jaani mujhe

marte dam karni paDi hai un ki mehmani mujhe

saKHt mushkil ho gai hai meri aasani mujhe

bahr-e-ulfat dega lutf-e-soz-e-pinhani mujhe

aag ke andar jalane le chala pani mujhe

gor deti hai nawed-e-rasm-e-mehmani mujhe

ghar basane le chali hai meri virani mujhe

khinchne de zahmat-e-chah-e-zanaKHdani mujhe

ai muqaddar kuchh dinon bharne de ye pani mujhe

sinchti hai ulfat-e-chah-e-zanaKHdani mujhe

de raha hai mere yusuf ka kuan pani mujhe

waqt-e-aKHir yaad hai saqi ki mehmani mujhe

marte marte de diya angur ka pani mujhe

wo meri surat to dekhen apni surat ke liye

kash aaina bana de meri hairani mujhe

kaT gaya hai wasl se pahle zamana umr ka

haye dhoka de gaya bahta hua pani mujhe

daman-e-sahra se lunga mar ke wahshat mein kafan

ek naya joDa panhaegi ye uryani mujhe

mere gul ko la ye apne phul le ja andalib

aise kanTon se nahin fansen nikalwani mujhe

tum agar chaho to miTTi se abhi paida hon phul

main agar mangun to dariya bhi na de pani mujhe

tishna-kaami is ko kahte hain ki bahr-e-ishq mein

main agar utrun to upar phenk de pani mujhe

aisi mushkil tum ne Dali hai ki jab mar jaunga

muddaton roya karegi meri aasani mujhe