jab se tumko dil diya rahat kisi pahlu nahin

jab se tum ko dil diyā rāhat kisī pahlū nahīñ

tum pe bhī qaabū nahīñ aur dil pe bhī qaabū nahīñ

imtihāñ-gāh-e-vafā meñ tū bhī chal maiñ bhī chalūñ

aaj ai shamshīr-e-qātil maiñ nahīñ yā tū nahīñ

ḳhūn-e-dil jitnā thā saarā vaqf-e-hasrat kar diyā

is qadar royā ki merī aañkh meñ aañsū nahīñ

husn-e-sūrat meñ namak ho aañkh meñ thoḌī kashish

is se baḌh ke koī bhī chaltā huā jaadū nahīñ

gulshan-e-ālam kī maiñ ne Dālī-Dālī dekh lī

phuul to achchhe haiñ sab lekin vafā kī bū nahīñ

dekh kar ka.abe ko ḳhālī maiñ ye kah kar aa gayā

aise ghar ko kyā karūñgā jis ke andar tū nahīñ

āshiqī ne umr saarī be-kalī meñ kaaT dī

chain 'muztar' ko kisī karvaT kisī pahlū nahīñ

jab se tum ko dil diya rahat kisi pahlu nahin

tum pe bhi qabu nahin aur dil pe bhi qabu nahin

imtihan-gah-e-wafa mein tu bhi chal main bhi chalun

aaj ai shamshir-e-qatil main nahin ya tu nahin

KHun-e-dil jitna tha sara waqf-e-hasrat kar diya

is qadar roya ki meri aankh mein aansu nahin

husn-e-surat mein namak ho aankh mein thoDi kashish

is se baDh ke koi bhi chalta hua jadu nahin

gulshan-e-alam ki main ne Dali-Dali dekh li

phul to achchhe hain sab lekin wafa ki bu nahin

dekh kar kabe ko KHali main ye kah kar aa gaya

aise ghar ko kya karunga jis ke andar tu nahin

aashiqi ne umr sari be-kali mein kaT di

chain 'muztar' ko kisi karwaT kisi pahlu nahin