Sufinama

hijab-e-KHas ke parde uThe hain kaif-o-masti mein

Muztar Khairabadi

hijab-e-KHas ke parde uThe hain kaif-o-masti mein

Muztar Khairabadi

MORE BYMuztar Khairabadi

    hijāb-e-ḳhās ke parde uThe haiñ kaif-o-mastī meñ

    na jaane kis hastī dekhtā huuñ apnī hastī meñ

    na bahkā aaj tak maiñ nashsha-e-ulfat mastī meñ

    butoñ ko bhī agar puujā to puujā haq-parastī meñ

    na so.e chādar-e-gul par kabhī duniyā bastī meñ

    sadā kāñTe chunte kaT ga.ī gulzār-e-hastī meñ

    lagī us sho.ala-e-ruḳhsār baaqī rahī yūñhī

    to sun lenā ki ik din mar gayā ātish-parastī meñ

    mirī turbat pe ḳhud saaqī ne aa kar ye duā māñgī

    ḳhudā baḳhshe bahut achchhī guzārī mai-parastī meñ

    mire qātil jaldī ne mujhe nākām rakhā

    tamannā dekhne bhī na niklī tez-dastī meñ

    ba-rañg-e-kāsa-e-taqdīr gardish maiñ din guzre

    pyāla ban ke maiñ ne umr kaaTī mai-parastī meñ

    nirālī shaan se niklā huuñ terī justujū karne

    mohabbat rahnumā.ī meñ hai vahshat sarparastī meñ

    talāsh-e-but meñ mujh ko dekh kar jannat meñ sab bole

    ye kāfir kyuuñ chalā aayā musalmānoñ bastī meñ

    bayābān-e-ġharībī meñ basar kartā huuñ muddat se

    vatan jis din se chhoḌā nahīñ lagtā hai bastī meñ

    hijab-e-KHas ke parde uThe hain kaif-o-masti mein

    na jaane kis ki hasti dekhta hun apni hasti mein

    na bahka aaj tak main nashsha-e-ulfat ki masti mein

    buton ko bhi agar puja to puja haq-parasti mein

    na soe chadar-e-gul par kabhi duniya ki basti mein

    sada kanTe hi chunte kaT gai gulzar-e-hasti mein

    lagi us shoala-e-ruKHsar ki baqi rahi yunhi

    to sun lena ki ek din mar gaya aatish-parasti mein

    meri turbat pe KHud saqi ne aa kar ye dua mangi

    KHuda baKHshe bahut achchhi guzari mai-parasti mein

    mere qatil ki jaldi ne mujhe nakaam hi rakha

    tamanna dekhne ki bhi na nikli tez-dasti mein

    ba-rang-e-kasa-e-taqdir gardish hi main din guzre

    pyala ban ke main ne umr kaTi mai-parasti mein

    nirali shan se nikla hun teri justuju karne

    mohabbat rahnumai mein hai wahshat sarparasti mein

    talash-e-but mein mujh ko dekh kar jannat mein sab bole

    ye kafir kyun chala aaya musalmanon ki basti mein

    bayaban-e-gharibi mein basar karta hun muddat se

    watan jis din se chhoDa ji nahin lagta hai basti mein

    Source :
    • Book : Khirman Part - 2 (Pg. 172)
    • Author : Muztar Khairabadi
    • Publication : Jawed Akhtar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now