ilahi KHair zoron par butan-e-pur-ghurur aae

ilāhī ḳhair zoroñ par butān-e-pur-ġhurūr aa.e

kahīñ aisā na ho īmān-e-ālam meñ futūr aa.e

yahī sūrat vahāñ thī be-zarūrat but-kada chhoḌā

ḳhudā ke ghar meñ rakhā kyā hai nāhaq itnī duur aa.e

butoñ se ham husūl-e-sabr kī ummīd kyuuñ rakheñ

ye kyā deñge ḳhudā ke paas se ḳhud nā-subūr aa.e

maqām-e-gor to ai hazrat-e-dil pahlī manzil hai

abhī chalnā paḌegā ye na pūchho kitnī duur aa.e

tumhārī jalva-gāh-e-nāz meñ andher hī kab tak

ye muusā dauḌ kar kis ko dikhāne sham-e-tūr aa.e

mohabbat ek shai hotī hai itnā sun to ab rakkho

samajh us vaqt lenā jab javānī meñ shu.ūr aa.e

tum apnī zulf kholo phir dil-e-pur-dāġh chamkegā

añdherā ho to kuchh kuchh sham.a kī āñkhoñ meñ nuur aa.e

vahāñ to hazrat-e-zāhid tumheñ achchhoñ se nafrat thī

yahāñ jannat meñ ab kis muñh se tum lene ko huur aa.e

masāfat manzil-e-maqsūd kī ham se koī pūchhe

hamārā hī kaleja jāntā hai jitnī duur aa.e

ḳhudā sarkār ke iqbāl-o-daulat meñ taraqqī de

'rasā'-o-'bazm-o-'muztar' jin ke dam se rāmpūr aa.e

ilahi KHair zoron par butan-e-pur-ghurur aae

kahin aisa na ho iman-e-alam mein futur aae

yahi surat wahan thi be-zarurat but-kada chhoDa

KHuda ke ghar mein rakha kya hai nahaq itni dur aae

buton se hum husul-e-sabr ki ummid kyun rakhen

ye kya denge KHuda ke pas se KHud na-subur aae

maqam-e-gor to ai hazrat-e-dil pahli manzil hai

abhi chalna paDega ye na puchho kitni dur aae

tumhaari jalwa-gah-e-naz mein andher hi kab tak

ye musa dauD kar kis ko dikhane sham-e-tur aae

mohabbat ek shai hoti hai itna sun to ab rakkho

samajh us waqt lena jab jawani mein shuur aae

tum apni zulf kholo phir dil-e-pur-dagh chamkega

andhera ho to kuchh kuchh shama ki aankhon mein nur aae

wahan to hazrat-e-zahid tumhein achchhon se nafrat thi

yahan jannat mein ab kis munh se tum lene ko hur aae

masafat manzil-e-maqsud ki hum se koi puchhe

hamara hi kaleja jaanta hai jitni dur aae

KHuda sarkar ke iqbaal-o-daulat mein taraqqi de

'rasa'-o-'bazm-o-'muztar' jin ke dam se rampur aae