na alfaz pahunchen na mana wahan tak

na alfāz pahuñcheñ na ma.anā vahāñ tak

kahūñ husn kī had kahāñ se kahāñ tak

bahut duur haiñ asliyat se fasāne

baḌā fāsla hai diloñ se zabāñ tak

guzar jā mohabbat meñ bīm-o-rajā se

mohabbat meñ ḳhāmī hai sūd-o-ziyāñ tak

usī se ummīd-e-navazish hai dil ko

hañsī meñ uḌā le gayā jo fuġhāñ tak

duā lab pe aatī hai dil se nikal kar

zamīñ se pahuñchtī hai baat āsmāñ tak

'zhīn' aaj āfāq ban kar ayaañ hai

jo ik harf aayā thā merī zabāñ tak

na alfaz pahunchen na mana wahan tak

kahun husn ki had kahan se kahan tak

bahut dur hain asliyat se fasane

baDa fasla hai dilon se zaban tak

guzar ja mohabbat mein bim-o-raja se

mohabbat mein KHami hai sud-o-ziyan tak

usi se ummid-e-nawazish hai dil ko

hansi mein uDa le gaya jo fughan tak

dua lab pe aati hai dil se nikal kar

zamin se pahunchti hai baat aasman tak

'zhin' aaj aafaq ban kar ayan hai

jo ek harf aaya tha meri zaban tak