na bahak saka wo waqif jo hai teri rahguzar se

na bahak sakā vo vāqif jo hai terī rahguzar se

na sambhal sakā kabhī vo jo girā tirī nazar se

na ye sozish-e-jigar se na ye vird ke asar se

ye fuġhāñ mire laboñ par hai mufāraqat ke Dar se

tere sadqe husn-e-jānāñ ye kahāñ kā faisla hai

jise diid kī ho hasrat vahī dekhne ko tarse

mire āñsuoñ ke qatre haiñ chārāġh-e-rah-e-manzil

unheñ raushnī milī hai tapish-e-dil-o-jigar se

mirā sajda-e-mohabbat kabhī is tarah adā ho

ki mirī jabīñ jhuke jab na uThe tumhāre dar se

ye duā hai sar pe rakh kar tirī ḳhāk-e-āstāñ ko

ki ye merā tāj-e-shāhī na judā ho mire sar se

tere mai-kade meñ saaqī nahīñ jab rivāj-e-sāġhar

to shu.ūr-e-bāda-noshī ho atā mujhe nazar se

use ḳhuld ne pukārā use rūhoñ ne bulāyā

magar apnī dhun meñ 'jauhar' na uThā tumhāre dar se

na bahak saka wo waqif jo hai teri rahguzar se

na sambhal saka kabhi wo jo gira teri nazar se

na ye sozish-e-jigar se na ye wird ke asar se

ye fughan mere labon par hai mufaraqat ke Dar se

tere sadqe husn-e-jaanan ye kahan ka faisla hai

jise did ki ho hasrat wahi dekhne ko tarse

mere aansuon ke qatre hain chaaragh-e-rah-e-manzil

unhen raushni mili hai tapish-e-dil-o-jigar se

mera sajda-e-mohabbat kabhi is tarah ada ho

ki meri jabin jhuke jab na uThe tumhaare dar se

ye dua hai sar pe rakh kar teri KHak-e-astan ko

ki ye mera taj-e-shahi na juda ho mere sar se

tere mai-kade mein saqi nahin jab riwaj-e-saghar

to shuur-e-baada-noshi ho ata mujhe nazar se

use KHuld ne pukara use ruhon ne bulaya

magar apni dhun mein 'jauhar' na uTha tumhaare dar se