na puchho kis liye zaKHm-e-jigar ko dekhte hain

na pūchho kis liye zaḳhm-e-jigar ko dekhte haiñ

is ā.īne meñ tumhārī nazar ko dekhte haiñ

dam-e-fanā pahlī nazar ko dekhte haiñ

ham aaj shaam meñ shāmil-e-sahar ko dekhte haiñ

kuchh is tarh huiiñ taqsīm shoḳhiyāñ un kī

har ek ne yahī samjhā udhar ko dekhte haiñ

shikast-e-dil kā yahāñ ab ḳhayāl hai kis ko

tumhārī āñkhoñ meñ kaif-e-zafar ko dekhte haiñ

kahāñ-kahāñ hai ḳhalish dard kī ma.āz-allāh

kahāñ-kahāñ tirī tirchhī nazar ko dekhte haiñ

bahut buland hai merī nigāh ai 'maikash'

vo aur hoñge jo 'aib-o-hunar ko dekhte haiñ

na puchho kis liye zaKHm-e-jigar ko dekhte hain

is aaine mein tumhaari nazar ko dekhte hain

dam-e-fana pahli nazar ko dekhte hain

hum aaj sham mein shamil-e-sahar ko dekhte hain

kuchh is tarh huin taqsim shoKHiyan un ki

har ek ne yahi samjha udhar ko dekhte hain

shikast-e-dil ka yahan ab KHayal hai kis ko

tumhaari aankhon mein kaif-e-zafar ko dekhte hain

kahan-kahan hai KHalish dard ki maaz-allah

kahan-kahan teri tirchhi nazar ko dekhte hain

bahut buland hai meri nigah ai 'maikash'

wo aur honge jo 'aib-o-hunar ko dekhte hain