na sajde pe b-pe haun ge sajdon ka nishan hoga

na sajde pe b-pe hauñ ge sajdoñ kā nishāñ hogā

jabīñ hogī hamārī aur un kā āstāñ hogā

nikal kar tere kūche se guzar merā jahāñ hogā

hazāroñ āsmāñ hoñge vahāñ ek āsmāñ hogā

zamīñ par ab nayā paidā javāb-e-āsmāñ hogā

tirā kūcha tire naqsh-e-qadam se kahkashāñ hogā

kahīñ muñh chuum le un kā na koī aisī bātoñ par

mare aage sar-e-bazm-e-adū merā bayāñ hogā

qafas meñ aa.uuñ to degā jagah sayyād āñkhoñ meñ

chaman meñ jā۔ūñ to har phuul merā āshiyāñ hogā

bat-e-mai kā shikār achchhā rahegā aaj ai rindo

lab jo sabza hogā sāmne āb-e-ravāñ hogā

bahut hī ḳhair guzrī hote hote rah ga.ī us se

jise meñ ġhair samjhā huuñ vo un kā pāsbāñ hogā

rahā meñ phuul ban kar naḳhl-e-gul kī Dālī-Dālī par

mirā rahnā chaman meñ bāġhbāñ par kyuuñ girāñ hogā

kal āh-e-garm se jis ne girā.īñ bijliyāñ sab par

tumhāre be-qarāroñ meñ koī ātish-ba-jāñ hogā

liye nāqūs koī dair vaalā aaj aayā hai

agar sach hai to ka.abe meñ mazā vaqt-e-azāñ hogā

buto ham ko rulā.egā ye nazzārā-e-asīrī meñ

qafas meñ hoñge ham mauj-e-havā par āshiyāñ hogā

sharāb-e-nāb to kyā aag paanī ban ke barse gī

agar abr-e-bahār us ātish-e-gul kā dhuāñ hogā

vahāñ bhī phuul barseñge in ummat par

jo do-chār aa.e ham se to jahannam bhī jināñ hogā

lahū ro.eñge mere zaḳhm-e-dāman rakh ke āñkhoñ par

tumhārā daaġh dāman hashr meñ jab gul-fashāñ hogā

zarīya hai yahī rahmat kā kah de tū hī ai zāhid

ye merā phuul sā bār-e-gunah mujh par girāñ hogā

tirā dīvāñ to shaa.e ho jagah sab aañkh par deñge

'riyāz' ash.ār kā tere zamāna qadar-dāñ hogā

na sajde pe b-pe haun ge sajdon ka nishan hoga

jabin hogi hamari aur un ka aastan hoga

nikal kar tere kuche se guzar mera jahan hoga

hazaron aasman honge wahan ek aasman hoga

zamin par ab naya paida jawab-e-asman hoga

tera kucha tere naqsh-e-qadam se kahkashan hoga

kahin munh chum le un ka na koi aisi baaton par

mare aage sar-e-bazm-e-adu mera bayan hoga

qafas mein aaun to dega jagah sayyaad aankhon mein

chaman mein ja۔un to har phul mera aashiyan hoga

bat-e-mai ka shikar achchha rahega aaj ai rindo

lab jo sabza hoga samne aab-e-rawan hoga

bahut hi KHair guzri hote hote rah gai us se

jise mein ghair samjha hun wo un ka pasban hoga

raha mein phul ban kar naKHl-e-gul ki Dali-Dali par

mera rahna chaman mein baghban par kyun giran hoga

kal aah-e-garm se jis ne girain bijliyan sab par

tumhaare be-qararon mein koi aatish-ba-jaan hoga

liye naqus koi dair wala aaj aaya hai

agar sach hai to kabe mein maza waqt-e-azan hoga

buto hum ko rulaega ye nazzara-e-asiri mein

qafas mein honge hum mauj-e-hawa par aashiyan hoga

sharab-e-nab to kya aag pani ban ke barse gi

agar abr-e-bahaar us aatish-e-gul ka dhuan hoga

wahan bhi phul barsenge in ummat par

jo do-chaar aae hum se to jahannam bhi jinan hoga

lahu roenge mere zaKHm-e-daman rakh ke aankhon par

tumhaara dagh daman hashr mein jab gul-fashan hoga

zariya hai yahi rahmat ka kah de tu hi ai zahid

ye mera phul sa bar-e-gunah mujh par giran hoga

tera diwan to shae ho jagah sab aankh par denge

'riyaz' ashaar ka tere zamana qadar-dan hoga