na shaukat le ke aaya hun na azmat le ke aaya hun

na shaukat le ke aayā huuñ na 'azmat le ke aayā huuñ

mohabbat le ke aayā huuñ mohabbat le ke aayā huuñ

azal se maiñ tumhārī ik amānat le ke aayā huuñ

tumheñ dene ko ye dard-e-mohabbat le ke aayā huuñ

mire paas aur kyā hai bas ye nāleñ haiñ ye aaheñ haiñ

jo samjheñ aap bhī daulat ye daulat le ke aayā huuñ

us ik ne'amat meñ muzmar ne'amateñ haiñ kul do-'ālam kī

nahīñ koī badal jis kā vo ne'amat le ke aayā huuñ

koī kuchh le ke aayā hai koī kuchh le ke aayā hai

maiñ hairat le ke aayā huuñ maiñ hairat le ke aayā huuñ

nahīñ majnūn-e-dīvāna maiñ huuñ 'majzūb'-e-mastāna

azal se maiñ ye mastāna tabī'at le ke aayā huuñ

kisī ke dar se lauTe haiñ jo sab dāman bhare ai dil

to maiñ 'majzūb' bhī ik ḳhaas daulat le ke aayā huuñ

na shaukat le ke aaya hun na 'azmat le ke aaya hun

mohabbat le ke aaya hun mohabbat le ke aaya hun

azal se main tumhaari ek amanat le ke aaya hun

tumhein dene ko ye dard-e-mohabbat le ke aaya hun

mere pas aur kya hai bas ye nalen hain ye aahen hain

jo samjhen aap bhi daulat ye daulat le ke aaya hun

us ek ne'amat mein muzmar ne'amaten hain kul do-'alam ki

nahin koi badal jis ka wo ne'amat le ke aaya hun

koi kuchh le ke aaya hai koi kuchh le ke aaya hai

main hairat le ke aaya hun main hairat le ke aaya hun

nahin majnun-e-diwana main hun 'majzub'-e-mastana

azal se main ye mastana tabi'at le ke aaya hun

kisi ke dar se lauTe hain jo sab daman bhare ai dil

to main 'majzub' bhi ek KHas daulat le ke aaya hun