sar mein sauda-e-junun dil mein wafa rakhta hun main

sar meñ saudā-e-junūñ dil meñ vafā rakhtā huuñ maiñ

zindagī ko yuuñ talavvun āshnā rakhtā huuñ maiñ

zaḳhm-e-dil zaḳhm-e-jigar har dam harā rakhtā huuñ maiñ

dard jo pahlū meñ hai us kī davā rakhtā huuñ meñ

hijr meñ bhī vasl-e-jānāñ kā maza rakhtā huuñ maiñ

husn ko apne tasavvur meñ basā rakhtā huuñ maiñ

dahr ne jo bhī diye nākāmiyoñ ke chand phuul

gulistān-e-fikr meñ un ko khilā rakhtā huuñ maiñ

sar mein sauda-e-junun dil mein wafa rakhta hun main

zindagi ko yun talawwun aashna rakhta hun main

zaKHm-e-dil zaKHm-e-jigar har dam hara rakhta hun main

dard jo pahlu mein hai us ki dawa rakhta hun mein

hijr mein bhi wasl-e-jaanan ka maza rakhta hun main

husn ko apne tasawwur mein basa rakhta hun main

dahr ne jo bhi diye nakaamiyon ke chand phul

gulistan-e-fikr mein un ko khila rakhta hun main