apna nasheman kya banaenge wo dosh-e-barq par

apnā nasheman kyā banā.eñge vo dosh-e-barq par

jo chaar tinkoñ ko chaman meñ āshiyāñ kahte rahe

har chand thiiñ pābandiyāñ lahza-ba-lahza dam-ba-dam

ham dard ke maare the dil kī dāstāñ kahte rahe

vo ḳhāna-e-dil jo huā hai maskan-e-mahr-o-vafā

ham us munavvar sarzamīñ ko āsmāñ kahte rahe

ye zindagī hotī ga.ī parvarda-e-jaur-o-jafā

aur intihā-e-ġham ko ham ārām-e-jāñ kahte rahe

zarra-navāzī kā hai un kī shukriya sad shukriya

jo hazrat-e-'nādim' ko bhī ahl-e-zabāñ kahte rahe

apna nasheman kya banaenge wo dosh-e-barq par

jo chaar tinkon ko chaman mein aashiyan kahte rahe

har chand thin pabandiyan lahza-ba-lahza dam-ba-dam

hum dard ke mare the dil ki dastan kahte rahe

wo KHana-e-dil jo hua hai maskan-e-mahr-o-wafa

hum us munawwar sarzamin ko aasman kahte rahe

ye zindagi hoti gai parwarda-e-jaur-o-jafa

aur intiha-e-gham ko hum aaram-e-jaan kahte rahe

zarra-nawazi ka hai un ki shukriya sad shukriya

jo hazrat-e-'nadim' ko bhi ahl-e-zaban kahte rahe