husn ki fitrat mein zid hai aazmate jaiye
husn kī fitrat meñ zid hai āzmāte jā.iye
yaad ā.eñge unheñ jitnā bhulāte jā.iye
imtiyāz-e-zāhir-o-bātin uThāte jā.iye
mere dil ko husn kī manzil banāte jā.iye
maiñ bhī raushan kar rahā huuñ husn ke pahlū tamām
aap bhī jalvoñ kā ā.īna dikhāte jā.iye
dil ulajh jaa.e to phir tafrīh-e-nazzāra kahāñ
koī manzar ho magar dāman bachāte jā.iye
aap ke jalve salāmat merī hairānī bajā
is haqīqat ko bhī afsāna banāte jā.iye
aaj 'naḳhshab' jaan de kar naqsh-pā-e-dost par
ye jo ik parda hai us ko bhī uThāte jā.iye
husn ki fitrat mein zid hai aazmate jaiye
yaad aaenge unhen jitna bhulate jaiye
imtiyaz-e-zahir-o-baatin uThate jaiye
mere dil ko husn ki manzil banate jaiye
main bhi raushan kar raha hun husn ke pahlu tamam
aap bhi jalwon ka aaina dikhate jaiye
dil ulajh jae to phir tafrih-e-nazzara kahan
koi manzar ho magar daman bachate jaiye
aap ke jalwe salamat meri hairani baja
is haqiqat ko bhi afsana banate jaiye
aaj 'naKHshab' jaan de kar naqsh-pa-e-dost par
ye jo ek parda hai us ko bhi uThate jaiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
