wo jalwa jis qadar nazdik-tar ho dur ho jae

vo jalva jis qadar nazdīk-tar ho duur ho jaa.e

agar dil meñ samā.ae aañkh se mastūr ho jaa.e

agar husn-e-nazar par 'ishq bhī maġhrūr ho jaa.e

to ik din husn baḌh kar 'ishq se majbūr ho jaa.e

yaqīnan un ko dasht be-ḳhudī meñ DhūñDh letā hai

magar insān jab apne se kosoñ duur ho jaa.e

taġhāful kī jilau meñ iltifāt-e-ḳhās hotā hai

vo jis ko mai na deñ vo be-piye maḳhmūr ho jaa.e

mohabbat kī hadoñ meñ āgayā bas yuuñ samajh liije

jahāñ bhī dil ke hāthoñ aadmī majbūr ho jaa.e

ye duniyā ek ’aks-e-jalva-gāh-e-husn-e-makHfī hai

agar parde na hoñ ye bazm jal kar tuur ho jaa.e

kisī sūrat se 'naḳhshab' dil ko yaksūī to hāsil ho

vo jalva ’ādatan kyuuñ fitratan mastūr ho jaa.e

wo jalwa jis qadar nazdik-tar ho dur ho jae

agar dil mein samaae aankh se mastur ho jae

agar husn-e-nazar par 'ishq bhi maghrur ho jae

to ek din husn baDh kar 'ishq se majbur ho jae

yaqinan un ko dasht be-KHudi mein DhunDh leta hai

magar insan jab apne se koson dur ho jae

taghaful ki jilau mein iltifat-e-KHas hota hai

wo jis ko mai na den wo be-piye maKHmur ho jae

mohabbat ki hadon mein aagaya bas yun samajh lije

jahan bhi dil ke hathon aadmi majbur ho jae

ye duniya ek ’aks-e-jalwa-gah-e-husn-e-makHfi hai

agar parde na hon ye bazm jal kar tur ho jae

kisi surat se 'naKHshab' dil ko yaksui to hasil ho

wo jalwa ’adatan kyun fitratan mastur ho jae