pahlu-nashin phir aaj wo rangin-ada hua

pahlū-nashīñ phir aaj vo rañgīñ-adā huā

apne maqām par hai zamāna rukā huā

duniyā ke vāste huuñ tamāsha banā huā

kyā ab bhī mujh se farz-e-mohabbat adā huā

bazm-e-azal kujā chaman-e-rañg-o-bū kujā

aayā tujhe kahāñ se kahāñ DhūñDhtā huā

tūl-e-firāq-e-maslahat-e-husn hī sahī

ab us kā zikr chhoḌiye jo kuchh huā huā

tajdīd-e-’ahd aur ye be-vajh-e-iztirāb

phir se bhaḌak uThā vahī sho'la dabā huā

jab tak vo dekhte rahe taskīn sī rahī

un kī nazar haTī thī ki phir dard-sā huā

baiThā maiñ bazm-e-nāz ke andāz dekh kar

uThā bas ek un kī nazar dekhtā huā

pahlu-nashin phir aaj wo rangin-ada hua

apne maqam par hai zamana ruka hua

duniya ke waste hun tamasha bana hua

kya ab bhi mujh se farz-e-mohabbat ada hua

bazm-e-azal kuja chaman-e-rang-o-bu kuja

aaya tujhe kahan se kahan DhunDhta hua

tul-e-firaq-e-maslahat-e-husn hi sahi

ab us ka zikr chhoDiye jo kuchh hua hua

tajdid-e-’ahd aur ye be-wajh-e-iztirab

phir se bhaDak uTha wahi sho'la daba hua

jab tak wo dekhte rahe taskin si rahi

un ki nazar haTi thi ki phir dard-sa hua

baiTha main bazm-e-naz ke andaz dekh kar

uTha bas ek un ki nazar dekhta hua