awwal-awwal ki mohabbat ke to paigham to dekh

avval-avval kī mohabbat ke to paiġhām to dekh

kis qadr pyaar se letā thā tirā naam to dekh

mere pahlū se na jā pahlū-nashīñ Thahar zarā

tere hone se mujhe kitnā hai ārām to dekh

mere saaqī tire mai-ḳhāne meñ baaqī kyā hai

kab se baiThe haiñ magar ḳhālī hai ye jaam to dekh

mujh se barham vo hue aise ki bikhrī duniyā

gher ke baiThe haiñ kitne mujhe auhām to dekh

tere mai-ḳhāne meñ aayā hai ye bhalā mai-kash

mere chehre pe nazar kar merā kohrām to dekh

naam merā hai 'naqīb' aur naqībī huuñ maiñ

kitnā pyārā hai mere rab kā ye in'ām to dekh

awwal-awwal ki mohabbat ke to paigham to dekh

kis qadr pyar se leta tha tera nam to dekh

mere pahlu se na ja pahlu-nashin Thahar zara

tere hone se mujhe kitna hai aaram to dekh

mere saqi tere mai-KHane mein baqi kya hai

kab se baiThe hain magar KHali hai ye jam to dekh

mujh se barham wo hue aise ki bikhri duniya

gher ke baiThe hain kitne mujhe auham to dekh

tere mai-KHane mein aaya hai ye bhala mai-kash

mere chehre pe nazar kar mera kohram to dekh

nam mera hai 'naqib' aur naqibi hun main

kitna pyara hai mere rab ka ye in'am to dekh