husn asir-e-rasm hai ishq hai iztirab mein

husn asīr-e-rasm hai ishq hai iztirāb meñ

mumkin kahāñ sukūñ mile sāmnā ho hijāb meñ

jis ko samajh rahā thā maiñ sañg-sitam hai jaan par

us ne gulāb rakh diyā ishq kī har kitāb meñ

shiddat pyaas kā asar dekhiye aap bhī zarā

dariyā simaT ke aa gayā tishnagī sarāb meñ

arz-e-visāl jo kiyā un se javāb ye milā

kHauf-e-sitam zamāna hai aql hai pech-o-tāb meñ

aap yaqīn jāniye kufr se baḌh ke hai nifāq

āb-e-tahavvur Daal de jaise koī sharāb meñ

nā hai matā-e'-zindagī aur nā us kī kuchh talab

ham haiñ ġhulām-e-sharaf-e-haq kho.e haiñ bū-turāb meñ

maḳhfī to ho ga.e haiñ vo ālam-e-hast-o-būd se

kaash 'nasar' maiñ dekh luuñ maulā-e-kul ko ḳhvāb meñ

husn asir-e-rasm hai ishq hai iztirab mein

mumkin kahan sukun mile samna ho hijab mein

jis ko samajh raha tha main sang-sitam hai jaan par

us ne gulab rakh diya ishq ki har kitab mein

shiddat pyas ka asar dekhiye aap bhi zara

dariya simaT ke aa gaya tishnagi sarab mein

arz-e-visal jo kiya un se jawab ye mila

kHauf-e-sitam zamana hai aql hai pech-o-tab mein

aap yaqin jaaniye kufr se baDh ke hai nifaq

aab-e-tahawwur Dal de jaise koi sharab mein

na hai mata-e'-zindagi aur na us ki kuchh talab

hum hain ghulam-e-sharaf-e-haq khoe hain bu-turab mein

maKHfi to ho gae hain wo aalam-e-hast-o-bud se

kash 'nasar' main dekh lun maula-e-kul ko KHwab mein