tere ishaara-e-abru ka ehtiram kiya

tire ishāra-e-abrū kā ehtirām kiyā

jo kaam maiñ ne kiyā thā vo tere naam kiyā

tumhāre chāhne vāloñ kā hai yahi sheva

namāz-e-hijr meñ ashkoñ kā ehtimām kiyā

maiñ kyā karūñ mujhe aatā nahīñ hai dajl-o-freb

alī kā naam liyā ishq ko imaam kiyā

phir us ke ba.ad musalsal hai āfatoñ kā nuzūl

tumhāre chehra-e-zebā ko jo salām kiyā

murīd-e-sāda to ma.adūm hotā jaatā hai

janāb-e-shaiḳh tarīqat ne jalva-ām kiyā

halīf-e-jān kā Dar hai na ḳhauf vasl-e-rafīq

tire sivā sabhī chāhat kā iḳhtitām kiyā

ishār-e-ranj-o-alam se nikal gayā hai 'nasr'

nabī ke zikr kā jab us ne iltizām kiyā

tere ishaara-e-abru ka ehtiram kiya

jo kaam main ne kiya tha wo tere nam kiya

tumhaare chahne walon ka hai yahi shewa

namaz-e-hijr mein ashkon ka ehtimam kiya

main kya karun mujhe aata nahin hai dajl-o-freb

ali ka nam liya ishq ko imam kiya

phir us ke baad musalsal hai aafaton ka nuzul

tumhaare chehra-e-zeba ko jo salam kiya

murid-e-sada to madum hota jata hai

janab-e-shaiKH tariqat ne jalwa-am kiya

halif-e-jaan ka Dar hai na KHauf wasl-e-rafiq

tere siwa sabhi chahat ka iKHtitam kiya

ishaar-e-ranj-o-alam se nikal gaya hai 'nasr'

nabi ke zikr ka jab us ne iltizam kiya