be-sabab shama ko aadat paD gai jal jaane ki

be-sabab sham.a ko 'ādat paḌ ga.ī jal jaane kī

bad-duā lag ga.ī shāyad kisī parvāne kī

bhīgī rātoñ meñ kisī ġhunche ne dam toḌ diyā

ye to mayyat hai zarūrat nahīñ nahlāne kī

zabt se kaam jo letā to na rusvā hotā

aql maarī ga.ī laila tire dīvāne kī

shaiḳh sāhab ne bulā bhejā hai saaqī mujh ko

aaj ka.abe meñ hai dāvat tire mastāne kī

ba.ad marne ke mai-e-ishq kī ḳhushbū mahke

Daal do ḳhaak mirī qabr pe mai-ḳhāne kī

terī bātoñ kā bharosa nahīñ 'nāzāñ' mujh ko

jhūTī jhūTī tujhe 'ādat hai qasam khāne kī

be-sabab shama ko 'adat paD gai jal jaane ki

bad-dua lag gai shayad kisi parwane ki

bhigi raaton mein kisi ghunche ne dam toD diya

ye to mayyat hai zarurat nahin nahlane ki

zabt se kaam jo leta to na ruswa hota

aql mari gai laila tere diwane ki

shaiKH sahab ne bula bheja hai saqi mujh ko

aaj kabe mein hai dawat tere mastane ki

baad marne ke mai-e-ishq ki KHushbu mahke

Dal do KHak meri qabr pe mai-KHane ki

teri baaton ka bharosa nahin 'nazan' mujh ko

jhuTi jhuTi tujhe 'adat hai qasam khane ki