apne hisab-e-umr ka paya habab mein

apne hisāb-e-'umr kā paayā habāb meñ

hastī ko apne dekh chuke ham sarāb meñ

qismat meñ thī likhī ye ḳharābī jo aa ga.e

ābād ghar se apne ye ḳhāna-ḳharāb meñ

dariyā-e-shor-e-rashk ho shahd-o-nabāt kā

Daale agar lu’āb-e-dahan kā vo aab meñ

kyā hai ummīd us se ki jāgeñ tamām shab

rakhtā jo inhirāf ho aane se ḳhvāb meñ

ai vaa.e ‘ne'matī’ ki tirī 'umr ho chukī

pahuñchā na tū kabhū bhī nabī kī janāb meñ

apne hisab-e-'umr ka paya habab mein

hasti ko apne dekh chuke hum sarab mein

qismat mein thi likhi ye KHarabi jo aa gae

aabaad ghar se apne ye KHana-KHarab mein

dariya-e-shor-e-rashk ho shahd-o-nabaat ka

Dale agar lu’ab-e-dahan ka wo aab mein

kya hai ummid us se ki jagen tamam shab

rakhta jo inhiraf ho aane se KHwab mein

ai wae ‘ne'mati’ ki teri 'umr ho chuki

pahuncha na tu kabhu bhi nabi ki janab mein