nigaran kabhu na ye jaanib-e-ruKH dil-fareb pari rahi

nigarāñ kabhū na ye jānib ruḳh dil-fareb parī rahī

mirī chashm tā-nigah basīñ tirī mahv jalvagarī rahī

tumheñ gul kī jas ne banāyā bū kahā us ne mujh ko ziyā hai tū

rahe tum to parda-nashīñ sadā mujhe aah dar-ba-darī rahī

nahīñ hosh vāloñ pe kuchh hasad mujhe rashk hai to unhoñ pe hai

jinheñ tere jalva ke sāmne mirī tarah be-ḳhabarī rahī

ye javāb hai āḳhir āshiqī kabhū hosh hai kabhū raftagī

na vo giriyā-e-dil shab rahā na vo zārī-e-sahrī rahī

na thī chashm-e-'rāsiḳh' ḳhasta-dil kabhū ḳhālī ashk se dostāñ

shab-o-roz jaam par aap kī ravish āñsūaon se bharī rahī

nigaran kabhu na ye jaanib ruKH dil-fareb pari rahi

meri chashm ta-nigah basin teri mahw jalwagari rahi

tumhein gul ki jas ne banaya bu kaha us ne mujh ko ziya hai tu

rahe tum to parda-nashin sada mujhe aah dar-ba-dari rahi

nahin hosh walon pe kuchh hasad mujhe rashk hai to unhon pe hai

jinhen tere jalwa ke samne meri tarah be-KHabari rahi

ye jawab hai aaKHir aashiqi kabhu hosh hai kabhu raftagi

na wo giriya-e-dil shab raha na wo zari-e-sahri rahi

na thi chashm-e-'rasiKH' KHasta-dil kabhu KHali ashk se dostan

shab-o-roz jam par aap ki rawish aansuaon se bhari rahi