نگراں کبھو نہ یہ جانب رخ دل فریب پری رہی

نگراں کبھو نہ یہ جانب رخ دل فریب پری رہی

مری چشم تا نگہہ بسیں تری محو جلوہ گری رہی

تمہیں گل کی جس نے بنایا بو کہا اس نے مجھ کو ضیا ہے تو

رہے تم تو پردہ نشیں سدا مجھے آہ در بدری رہی

نہیں ہوش والوں پہ کچھ حسد مجھے رشک ہے تو انہوں پہ ہے

جنہیں تیرے جلوہ کے سامنے مری طرح بے خبری رہی

یہ جواب ہے آخر عاشقی کبھو ہوش ہے کبھو رفتگی

نہ وہ گریۂ دل شب رہا نہ وہ زاری سحری رہی

نہ تھی چشم راسخؔ خستہ دل کبھو خالی اشک سے دوستاں

شب و روز جام پر آپ کی روش آنسوؤں سے بھری رہی