nihan jo soz parwane mein dekha

nihāñ jo soz parvāne meñ dekhā

ayaañ vo sham.a kāshāne meñ dekhā

vo kyā masjid meñ aabid ban ke baiThe

jise logoñ ne but-ḳhāne meñ dekhā

ba-chas-e-ma.arifat kuchh farq ham ne

yagāne se na be-gāne meñ dekhā

haqīqat kā bahar-sūrat ilāqa

jo tār-e-sub.ha har daane meñ dekhā

gayā khul dil kā uqda be-takalluf

jo zulf-e-yār ko shāne meñ dekhā

vo bolā merī vahshat dekh ke kal

junūn-e-turfa ye dīvāne meñ dekhā

huī majnūñ kī ye ḳhāna-ḳharābī

jo ābād us ko vīrāna meñ dekhā

na kahiye us kā jhunjhlānā ġhazab hai

ajab lutf us ke jhuñjhlāne meñ dekhā

'turāb' us shoḳh kī ḳhūbī na kuchh pūchh

jamāl us kā maiñ sharmāne meñ dekhā

nihan jo soz parwane mein dekha

ayan wo shama kashane mein dekha

wo kya masjid mein aabid ban ke baiThe

jise logon ne but-KHane mein dekha

ba-chas-e-marifat kuchh farq hum ne

yagane se na be-gane mein dekha

haqiqat ka bahar-surat ilaqa

jo tar-e-subha har dane mein dekha

gaya khul dil ka uqda be-takalluf

jo zulf-e-yar ko shane mein dekha

wo bola meri wahshat dekh ke kal

junun-e-turfa ye diwane mein dekha

hui majnun ki ye KHana-KHarabi

jo aabaad us ko virana mein dekha

na kahiye us ka jhunjhlana ghazab hai

ajab lutf us ke jhunjhlane mein dekha

'turab' us shoKH ki KHubi na kuchh puchh

jamal us ka main sharmane mein dekha