Sufinama

niyaz o naz ke jhagDe miTae jate hain

Jigar Moradabadi

niyaz o naz ke jhagDe miTae jate hain

Jigar Moradabadi

MORE BYJigar Moradabadi

    niyāz-o-nāz ke jhagḌe miTā.e jaate haiñ

    ham un meñ aur vo ham meñ samā.e jaate haiñ

    shurū-e-rāh-e-mohabbat are ma.āz-allāh

    ye haal hai ki qadam Dagmagā.e jaate haiñ

    ye nāz-e-husn to dekho ki dil ko taḌpā kar

    nazar milāte nahīñ muskurā.e jaate haiñ

    mire junūn-e-tamannā kuchh ḳhayāl nahīñ

    lajā.e jaate haiñ dāman chhuḌā.e jaate haiñ

    jo dil se uThte haiñ sho.ale vo rañg ban ban kar

    tamām manzar-e-fitrat pe chhā.e jaate haiñ

    maiñ apnī aah ke sadqe ki merī aah meñ bhī

    tirī nigāh ke andāz paa.e jaate haiñ

    ravāñ davāñ liye jaatī hai ārzū-e-visāl

    kashāñ kashāñ tire nazdīk aa.e jaate haiñ

    kahāñ manāzil-e-hastī kahāñ ham ahl-e-fanā

    abhī kuchh aur ye tohmat uThā.e jaate haiñ

    mirī talab bhī usī ke karam sadqa hai

    qadam ye uThte nahīñ haiñ uThā.e jaate haiñ

    ilāhī tark-e-mohabbat bhī kyā mohabbat hai

    bhulāte haiñ unheñ vo yaad aa.e jaate haiñ

    sunā.e the lab-e-nai se kisī ne jo naġhme

    lab-e-'jigar' se mukarrar sunā.e jaate haiñ

    niyaz-o-naz ke jhagDe miTae jate hain

    hum un mein aur wo hum mein samae jate hain

    shuru-e-rah-e-mohabbat are maaz-allah

    ye haal hai ki qadam Dagmagae jate hain

    ye naz-e-husn to dekho ki dil ko taDpa kar

    nazar milate nahin muskurae jate hain

    mere junun-e-tamanna ka kuchh KHayal nahin

    lajae jate hain daman chhuDae jate hain

    jo dil se uThte hain shoale wo rang ban ban kar

    tamam manzar-e-fitrat pe chhae jate hain

    main apni aah ke sadqe ki meri aah mein bhi

    teri nigah ke andaz pae jate hain

    rawan dawan liye jati hai aarzu-e-visal

    kashan kashan tere nazdik aae jate hain

    kahan manazil-e-hasti kahan hum ahl-e-fana

    abhi kuchh aur ye tohmat uThae jate hain

    meri talab bhi usi ke karam ka sadqa hai

    qadam ye uThte nahin hain uThae jate hain

    ilahi tark-e-mohabbat bhi kya mohabbat hai

    bhulate hain unhen wo yaad aae jate hain

    sunae the lab-e-nai se kisi ne jo naghme

    lab-e-'jigar' se mukarrar sunae jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now