تہذیب امارت روز نئے انداز شبستاں بدلے گی
تہذیب امارت روز نئے انداز شبستاں بدلے گی
اے دوست مگر شاید یہ کبھی دنیائے غریباں بدلے گی
ترمیم و تغیر کے فتنے اٹھتے ہیں فقط ایوانوں میں
بدلی ہے نہ ہرگز کفیت کا شانۂ ویراں بدلے گی
امید بہاراں سے پہلے یہ بات ہمیں معلوم نہ تھی
موسم کی طرح ہر جنبش پر تقدیر گلستاں بدلے گی
دکھلائے گا جذب الفت بھی انداز زمانہ سازی کے
اب مصلحتاً فطر اپنی آہِ دل سوزاں بدلے گی
مجبور کی آہوں کا طوفاں اک روز قیامت لائے گا
خود مشقِ ستم سے تنگ آکے رخ گردش دوراں بدلے گا
اللہ طلب کی راہوں میں تسکین کی منزل بھی ہے کہیں
آخر یہ کہاں تک وحشت دل صحرا و بیاباں بدلے گی
مرہم سے نمک داں تک تو ہمیں پہنچا یا سکون راحت نے
اے چارہ گرو اب کون سا رخ یہ کاوش درماں بدلے گی
احسان ستم کے افسانے دنیا میں رہیں گے اپنی جگہ
عنوان کی حد تک روداد حالات پریشاں بدلے گی
سوچو تو نیازؔ زار ذرا اس وقت کا عالم کیا ہوگا
خنکیٔ سکون یاس میں جب یہ سوزش پنہاں بدلے گی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
