sanam kar wasl ki kabhi mehrbani

sanam kar vasl kī kabhī mehrbānī

sadā na rahegā ye husn-o-javānī

raqīboñ se mil kar miirā dil jalāyā

bhulā.ī hai merī mohabbat purānī

tirā hijr mujh ko hai dozaḳh se baḌh kar

huī haaye rusvā mirī zindagānī

hamesha tū karatā hai va.ada-ḳhilāfī

kabhī na tū pyāre merī baat maanī

agar mujh se milnā nahīñ tujh ko manzūr

to de do javāb ham ko apnī zabānī

mire ghar meñ tashrīf laao to behtar

nahīñ to ye chhallā mujhe do nishānī

mirī ġhazal sun kar to shā.ir ye bole

'ajab hai 'niyāz' ab tirī ḳhush-bayānī

sanam kar wasl ki kabhi mehrbani

sada na rahega ye husn-o-jawani

raqibon se mil kar mera dil jalaya

bhulai hai meri mohabbat purani

tera hijr mujh ko hai dozaKH se baDh kar

hui haye ruswa meri zindagani

hamesha tu karata hai wada-KHilafi

kabhi na tu pyare meri baat mani

agar mujh se milna nahin tujh ko manzur

to de do jawab hum ko apni zabani

mere ghar mein tashrif lao to behtar

nahin to ye chhalla mujhe do nishani

meri ghazal sun kar to shair ye bole

'ajab hai 'niyaz' ab teri KHush-bayani