صنم کر وصل کی کبھی مہربانی

صنم کر وصل کی کبھی مہربانی

سدا نہ رہے گا یہ حسن و جوانی

رقیبوں سے مل کر میرا دل جلایا

بھلائی ہے میری محبت پرانی

ترا ہجر مجھ کو ہے دوزخ سے بڑھ کر

ہوئی ہائے رسوا مری زندگانی

ہمیشہ تو کرتا ہے وعدہ خلافی

کبھی نہ تو پیارے میری بات مانی

اگر مجھ سے ملنا نہیں تجھ کو منظور

تو دے دو جواب ہم کو اپنی زبانی

مرے گھر میں تشریف لاؤ تو بہتر

نہیں تو یہ چھلا مجھے دو نشانی

مری غزل سن کر تو شاعر یہ بولے

عجب ہے نیازؔ اب تری خوش بیانی