dasht-e-be-ab ko karata hua jal-thal nikla

dasht-e-be-āb ko karatā huā jal-thal niklā

jis ko samjhā thā yūñhī kaam kā bādal niklā

ham se aage jo ga.e the na palaT kar aa.e

rāsta jis ko samajhte the vo daldal niklā

ham ne milne ke ka.ī ḳhvāb bune the lekin

kīsa-e-umar se bas ek yahī pal niklā

ḳhauf ke saa.e vo dushman kī taraf phail ga.e

vo rajaz paḌhtā sipāhī sar-e-maqtal niklā

jin ko bastī ke dar-o-bām samajh baiThā thā

chāñd chamkā to mere sāmne jañgal niklā

sab meñ ḳhāmī thī koī sab meñ kamī thī koī

kaun aisā hai jo duniyā meñ mukammal niklā

nahr ke vāste kohsār kā dil chiir diyā

jis ko ham ahl-e-ḳhirad samjhe the pāgal niklā

'nūr' har samt udāsī kā fusūñ bikhrā thā

koshisheñ kī ga.iiñ to mas.ale kā hal niklā

dasht-e-be-ab ko karata hua jal-thal nikla

jis ko samjha tha yunhi kaam ka baadal nikla

hum se aage jo gae the na palaT kar aae

rasta jis ko samajhte the wo daldal nikla

hum ne milne ke kai KHwab bune the lekin

kisa-e-umar se bas ek yahi pal nikla

KHauf ke sae wo dushman ki taraf phail gae

wo rajaz paDhta sipahi sar-e-maqtal nikla

jin ko basti ke dar-o-baam samajh baiTha tha

chand chamka to mere samne jangal nikla

sab mein KHami thi koi sab mein kami thi koi

kaun aisa hai jo duniya mein mukammal nikla

nahr ke waste kohsar ka dil chir diya

jis ko hum ahl-e-KHirad samjhe the pagal nikla

'nur' har samt udasi ka fusun bikhra tha

koshishen ki gain to masale ka hal nikla