jab nazar aap ki paband-e-mohabbat hogi

jab nazar aap kī pāband-e-mohabbat hogī

ā.īna-ḳhāne meñ bas ek hī sūrat hogī

sāmne vo khulī āñkhoñ ke nahīñ aatā kabhī

band āñkhoñ se zarūr us kī ziyārat hogī

muddateñ ho ga.iiñ dekhā nahīñ khiltā huā phuul

muskurā dījiye ik baar ināyat hogī

isliye bazm-e-suḳhan meñ hai zarūrī shirkat

ye sunā hai tirī yādoñ kī sadārat hogī

har ishāra tirā qānūn kī sūrat hogā

dil mirā ghar hai yahāñ terī hukūmat hogī

yahī do chaar bayāzeñ haiñ asāsa merā

aur kyā is ke sivā merī virāsat hogī

jis kā munsif bhī mirā dushman-e-jānī hogā

mehrbāñ mujh pe kahāñ aisī adālat hogī

beḌiyāñ us ke tilismāt kī jakḌeñgī mujhe

aage baḌhne kī kahāñ paañv meñ tāqat hogī

paañv se jis ko masalte haiñ koī phuul nahīñ

ye mirā dil hai zarā aap ko zahmat hogī

jab maiñ pathrīlī guzar-gāh pe rakhūñgā qadam

do qadam mujh se bhī aage mirī qismat hogī

dāstāñ hogī guzarte hue lamhāt kī 'nūr'

dil varaq hogā mirā us kī kitābat hogī

jab nazar aap ki paband-e-mohabbat hogi

aaina-KHane mein bas ek hi surat hogi

samne wo khuli aankhon ke nahin aata kabhi

band aankhon se zarur us ki ziyarat hogi

muddaten ho gain dekha nahin khilta hua phul

muskura dijiye ek bar inayat hogi

isliye bazm-e-suKHan mein hai zaruri shirkat

ye suna hai teri yaadon ki sadarat hogi

har ishaara tera qanun ki surat hoga

dil mera ghar hai yahan teri hukumat hogi

yahi do chaar bayazen hain asasa mera

aur kya is ke siwa meri wirasat hogi

jis ka munsif bhi mera dushman-e-jaani hoga

mehrban mujh pe kahan aisi adalat hogi

beDiyan us ke tilismat ki jakDengi mujhe

aage baDhne ki kahan panw mein taqat hogi

panw se jis ko masalte hain koi phul nahin

ye mera dil hai zara aap ko zahmat hogi

jab main pathrili guzar-gah pe rakhunga qadam

do qadam mujh se bhi aage meri qismat hogi

dastan hogi guzarte hue lamhat ki 'nur'

dil waraq hoga mera us ki kitabat hogi