mera dil na tha alam-ashna ki teri ada pe nazar paDi

mirā dil na thā alam-āshnā ki tirī adā pe nazar paḌī

vo na jaane kaun sā vaqt thā ki binā-e-ḳhūn-e-jigar paḌī

mirī zindagī thī ki manzil tab-o-tāb ġham meñ utar paḌī

na junūñ kī rāh-guzar milī na ḳhirad kī rāh-guzar paḌī

jise chāhe mālik-e-rañg-o-bū usī be-ruḳhī meñ navāz de

maiñ idhar thā muntazir-e-karam vo nigāh-e-nāz udhar paḌī

tirā kaam sair-e-mudām hai na ki gulistānoñ meñ Thernā

ye kalī kalī ke fareb meñ to kahāñ se bād-e-sahar paḌī

koī mauj bahr se duur hai to jabīn-e-bahr pe kyā shikan

tirī rahmatoñ ko huā ye kyā mirī laġhzishoñ pe nazar paḌī

mera dil na tha alam-ashna ki teri ada pe nazar paDi

wo na jaane kaun sa waqt tha ki bina-e-KHun-e-jigar paDi

meri zindagi thi ki manzil tab-o-tab gham mein utar paDi

na junun ki rah-guzar mili na KHirad ki rah-guzar paDi

jise chahe malik-e-rang-o-bu usi be-ruKHi mein nawaz de

main idhar tha muntazir-e-karam wo nigah-e-naz udhar paDi

tera kaam sair-e-mudam hai na ki gulistanon mein Therna

ye kali kali ke fareb mein to kahan se baad-e-sahar paDi

koi mauj bahr se dur hai to jabin-e-bahr pe kya shikan

teri rahmaton ko hua ye kya meri laghzishon pe nazar paDi