jo kaif hai firaq mein wo phir kahan visal mein

jo kaif hai firāq meñ vo phir kahāñ visāl meñ

ye be-ḳhudī jo hai mujhe kisī ke huuñ ḳhayāl meñ

na husn mujh se āshnā na naaz mujh pe multafit

'ajīb soz-o-sāz hai nigāh-e-be-ma.āl meñ

suḳhan-suḳhan meñ dilbarī adā-adā meñ kāfirī

nigāh meñ ’itāb meñ javāb meñ savāl meñ

maiñ lazzat-e-gunāh meñ tabāh-kāar-e-ġham sahī

mujhe zamāna chhoḌ de mire ḳharāb haal meñ

na mujh ko ġham 'nushūr' kā na jannat-e-surūr kā

maiñ kho chukā huuñ dīn-o-dil tajallī-e-jamāl meñ

jo kaif hai firaq mein wo phir kahan visal mein

ye be-KHudi jo hai mujhe kisi ke hun KHayal mein

na husn mujh se aashna na naz mujh pe multafit

'ajib soz-o-saz hai nigah-e-be-maal mein

suKHan-suKHan mein dilbari ada-ada mein kafiri

nigah mein ’itab mein jawab mein sawal mein

main lazzat-e-gunah mein tabah-kaar-e-gham sahi

mujhe zamana chhoD de mere KHarab haal mein

na mujh ko gham 'nushur' ka na jannat-e-surur ka

main kho chuka hun din-o-dil tajalli-e-jamal mein