جو کیف ہے فراق میں وہ پھر کہاں وصال میں

جو کیف ہے فراق میں وہ پھر کہاں وصال میں

یہ بے خودی جو ہے مجھے کسی کے ہوں خیال میں

نہ حسن مجھ سے آشنا نہ ناز مجھ پہ ملتفت

عجیب سوز و ساز ہے نگاہ بے مآل میں

سخن سخن میں دلبری ادا ادا میں کافری

نگاہ میں عتاب میں جواب میں سوال میں

میں لذت گناہ میں تباہ کار غم سہی

مجھے زمانہ چھوڑ دے مرے خراب حال میں

نہ مجھ کو غم نشورؔ کا نہ جنت سرور کا

میں کھو چکا ہوں دین و دل تجلیٔ جمال میں