o dil-e-ruswa use ruswa kiya

o dil-e-rusvā use rusvā kiyā

kyā kiyā kambaḳht tū ne kyā kiyā

mujh ko tum ko ġhair ne rusvā kiyā

kah bhī do achchhā kiyā achchhā kiyā

sañg-e-dar sar se judā hotā nahii.

sajda kar ke dard-e-sar paidā kiyā

vaah re dast-e-junoñ zor-e-jinnoñ

chaak tum ne dāman-e-sahrā kiyā

mai-parastī kī ḳhudā ko chhoḌ kar

diin bhī nazr-e-mai-o-mīnā kiyā

hashr ke din bhī vahī haiñ shoḳhiyāñ

aaj bhī to va.ada-e-fardā kiyā

kūdtā kaun aag meñ ai barq-e-tūr

meñ tamāsha duur se dekhā kiyā

ai shab-e-furqat na aa.ī tujh ko sharm

ġhair ke ghar jā ke muñh kaalā kiyā

qabr par ubhrā ye jaate hī tire

naqsh-e-pā ne hashr hī barpā kiyā

us ko bhī husn-e-āfrīn rusvā kare

ai hasīñ jis ne tujhe rusvā kiyā

thā hinā se saaz paisā dil ko bhī

aap ne insāf to achchhā kiyā

qabr meñ hai aaj o parda-nashīñ

le tire rusvā ne bhī pardā kiyā

tauba kar ke aaj phir pī lī 'riyāz'

kyā kiyā kambaḳht tū ne kyā kiyā

o dil-e-ruswa use ruswa kiya

kya kiya kambaKHt tu ne kya kiya

mujh ko tum ko ghair ne ruswa kiya

kah bhi do achchha kiya achchha kiya

sang-e-dar sar se juda hota nahi

sajda kar ke dard-e-sar paida kiya

wah re dast-e-junon zor-e-jinnon

chaak tum ne daman-e-sahra kiya

mai-parasti ki KHuda ko chhoD kar

din bhi nazr-e-mai-o-mina kiya

hashr ke din bhi wahi hain shoKHiyan

aaj bhi to wada-e-farda kiya

kudta kaun aag mein ai barq-e-tur

mein tamasha dur se dekha kiya

ai shab-e-furqat na aai tujh ko sharm

ghair ke ghar ja ke munh kala kiya

qabr par ubhra ye jate hi tere

naqsh-e-pa ne hashr hi barpa kiya

us ko bhi husn-e-afrin ruswa kare

ai hasin jis ne tujhe ruswa kiya

tha hina se saz paisa dil ko bhi

aap ne insaf to achchha kiya

qabr mein hai aaj o parda-nashin

le tere ruswa ne bhi parda kiya

tauba kar ke aaj phir pi li 'riyaz'

kya kiya kambaKHt tu ne kya kiya