panw phir wahshat ne phailae bayaban dekh kar

paañv phir vahshat ne phailā.e bayābāñ dekh kar

talve khujlāne lage ḳhār-e-muġhīlāñ dekh kar

sāne-e-qudrat ne kī vo ḳhaak par sūrat garī

rah ga.e hairāñ farishte husn-e-insāñ dekh kar

har bagūle par huā vahshat meñ mahmil kā gumāñ

bol uThā majnūñ anā laila bayābāñ dekh kar

aa.e the turbat mirī pāmāl karne ke liye

ro diye vo kyuuñ sū-e-gor-e-garībāñ dekh kar

panw phir wahshat ne phailae bayaban dekh kar

talwe khujlane lage KHar-e-mughilan dekh kar

sane-e-qudrat ne ki wo KHak par surat gari

rah gae hairan farishte husn-e-insan dekh kar

har bagule par hua wahshat mein mahmil ka guman

bol uTha majnun ana laila bayaban dekh kar

aae the turbat meri pamal karne ke liye

ro diye wo kyun su-e-gor-e-gariban dekh kar