pahuncha hai jab se ishq ka mujhko salam-e-KHas

pahuñchā hai jab se ishq kā mujh ko salām-e-ḳhās

dil ke nagīñ pe tab se khudāyā hai nām-e-ḳhās

phūle nahīñ samāte ho jaama meñ misl-e-gul

pahuñchā hai tum ko aaj kaso kā payām-e-ḳhās

mai-ḳhāna meñ ḳhudī ko nahīñ daḳhl shaiḳh-jī

be-ḳhudī huā hai jin ne piyā hai vo jām-e-ḳhās

phir gird us ke zauq se ai murġh-e-jāñ tu sun

phir qasd baiThne kā na kiijo hai nām-e-ḳhās

kar qatl shauq se maiñ tasadduq huā huā

sarkār nahīñ hai fikr jo huā intizār-e-ḳhās

sab phāñsiyoñ se kar mujhe āzād ai ḳhudā

tā-roz-e-hasr huuñ meñ giraftār-e-dām-e-ḳhās

is par nigāh lutf kī yā-shāh hai zarūr

mash.hūr hai jahāñ ye meiñ terā ġhulām-e-ḳhās

hujjāb-e-bārgāh ko ye hukm ho rahe

māne.a na hoveñ mujh ko jo huā ehtimām-e-ḳhās

mānind-e-kohkan ke vo sar chiir mar gayā

jin ne sunā hai 'ishq' vo shīrīñ klām-e-ḳhās

pahuncha hai jab se ishq ka mujh ko salam-e-KHas

dil ke nagin pe tab se khudaya hai nam-e-KHas

phule nahin samate ho jama mein misl-e-gul

pahuncha hai tum ko aaj kaso ka payam-e-KHas

mai-KHana mein KHudi ko nahin daKHl shaiKH-ji

be-KHudi hua hai jin ne piya hai wo jam-e-KHas

phir gird us ke zauq se ai murgh-e-jaan tu sun

phir qasd baiThne ka na kijo hai nam-e-KHas

kar qatl shauq se main tasadduq hua hua

sarkar nahin hai fikr jo hua intizar-e-KHas

sab phansiyon se kar mujhe aazad ai KHuda

ta-roz-e-hasr hun mein giraftar-e-dam-e-KHas

is par nigah lutf ki ya-shah hai zarur

mashhur hai jahan ye mein tera ghulam-e-KHas

hujjab-e-bargah ko ye hukm ho rahe

manea na howen mujh ko jo hua ehtimam-e-KHas

manind-e-kohkan ke wo sar chir mar gaya

jin ne suna hai 'ishq' wo shirin klam-e-KHas