hum kisi ka gila nahin karte

ham kisī kā gilā nahīñ karte

na mileñ jo milā nahīñ karte

chand kaliyāñ shagufta-qismat haiñ

saare ġhunche khilā nahīñ karte

jin ko dast-e-junūñ ne chaak kiyā

vo garebāñ silā nahīñ karte

aap mohtāt hoñ zamāne meñ

har kisī se milā nahīñ karte

jo mohabbat meñ sañg-e-mīl baneñ

vo jagah se hilā nahīñ karte

naaz hai un ko bevafā.ī par

ḳhatm ye silsila nahīñ karte

raste rahte haiñ bhīgī rātoñ meñ

zaḳhm dil ke silā nahīñ karte

un se bas ik 'nasīr' shikvā hai

ham se vo kyuuñ milā nahīñ karte

hum kisi ka gila nahin karte

na milen jo mila nahin karte

chand kaliyan shagufta-qismat hain

sare ghunche khila nahin karte

jin ko dast-e-junun ne chaak kiya

wo gareban sila nahin karte

aap mohtat hon zamane mein

har kisi se mila nahin karte

jo mohabbat mein sang-e-mil banen

wo jagah se hila nahin karte

naz hai un ko bewafai par

KHatm ye silsila nahin karte

raste rahte hain bhigi raaton mein

zaKHm dil ke sila nahin karte

un se bas ek 'nasir' shikwa hai

hum se wo kyun mila nahin karte