log nalan hain jafa se teri

log nālāñ haiñ jafā se terī

hashr barpā hai adā se terī

chheḌ hai zulf-e-rasā se terī

baat bigḌī hai sabā se terī

koī jiitā ho tujhe us se ġharaz

koī martā ho balā se terī

sāqī-e-bazm pilā der na kar

minnateñ karte haiñ pyāse terī

baat bantī hai karam se tere

kaam chaltā hai 'atā se terī

ham ne luTte hue ghar dekhe haiñ

ek saada sī adā se terī

hausla hai abhī ġham sahne kā

abhī zinda haiñ du'ā se terī

phir sahī hashr ke din kar leñge

baat karnī hai ḳhudā se terī

dhuum hai sho.ala-navā.ī kī 'nasīr'

log jalte hoñ balā se terī

log nalan hain jafa se teri

hashr barpa hai ada se teri

chheD hai zulf-e-rasa se teri

baat bigDi hai saba se teri

koi jita ho tujhe us se gharaz

koi marta ho bala se teri

saqi-e-bazm pila der na kar

minnaten karte hain pyase teri

baat banti hai karam se tere

kaam chalta hai 'ata se teri

hum ne luTte hue ghar dekhe hain

ek sada si ada se teri

hausla hai abhi gham sahne ka

abhi zinda hain du'a se teri

phir sahi hashr ke din kar lenge

baat karni hai KHuda se teri

dhum hai shoala-nawai ki 'nasir'

log jalte hon bala se teri