un se meri jhuThi-sachchi ki jo burai logon ne
un se merī jhūThī-sachchī kī jo burā.ī logoñ ne
āḳhir mujh se ruuTh ga.e vo aisī lagā.ī logoñ ne
saath diyā jhūThe logoñ kā ronā to is baat kā hai
sachche the jo un logoñ se kī na bhalā.ī logoñ ne
sab se hue vo sīna-ba-sīna ham se milāyā ḳhālī haath
iid ke din jo sach pūchho to iid manā.ī logoñ ne
karne lage bahkī taqrīreñ hazrat-e-vā.iz mahfil meñ
paanī meñ thoḌī sī milā kar kal jo pilā.ī logoñ ne
dīvāna dīvāna kah kar duniyā meñ badnām kiyā
mere junūñ ke baat na thī kuchh baat baḌhā.ī logoñ ne
marte dam tak saath rahā jo 'purnam' us se aisā sulūk
jaldī se kafnā-dafnā kar jaan chhuḌā.ī logoñ ne
un se meri jhuThi-sachchi ki jo burai logon ne
aaKHir mujh se ruTh gae wo aisi lagai logon ne
sath diya jhuThe logon ka rona to is baat ka hai
sachche the jo un logon se ki na bhalai logon ne
sab se hue wo sina-ba-sina hum se milaya KHali hath
id ke din jo sach puchho to id manai logon ne
karne lage bahki taqriren hazrat-e-waiz mahfil mein
pani mein thoDi si mila kar kal jo pilai logon ne
diwana diwana kah kar duniya mein badnam kiya
mere junun ke baat na thi kuchh baat baDhai logon ne
marte dam tak sath raha jo 'purnam' us se aisa sulūk
jaldi se kafna-dafna kar jaan chhuDai logon ne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.