jo dard-e-ishq ke qabil nahin hai
jo dard-e-ishq ke qābil nahīñ hai
vo dil kahne ko dil hai dil nahīñ hai
nahīñ hai kaam kā nuqta vo nuqta
tere ruḳhsār kā jo til nahīñ hai
hamārā ho ke dam bhartā hai un kā
hamārā dil hamārā dil nahīñ hai
nahīñ hai jab se tū ai jān-e-mahfil
terī mahfil terī mahfil nahīñ hai
sitam hai mar ga.e ham jis kī ḳhātir
janāze meñ vahī shāmil nahīñ hai
diyā dil aap ne bhī kis ko 'purnam'
zarā bhī jis ko qadr-e-dil nahīñ hai
jo dard-e-ishq ke qabil nahin hai
wo dil kahne ko dil hai dil nahin hai
nahin hai kaam ka nuqta wo nuqta
tere ruKHsar ka jo til nahin hai
hamara ho ke dam bharta hai un ka
hamara dil hamara dil nahin hai
nahin hai jab se tu ai jaan-e-mahfil
teri mahfil teri mahfil nahin hai
sitam hai mar gae hum jis ki KHatir
janaze mein wahi shamil nahin hai
diya dil aap ne bhi kis ko 'purnam'
zara bhi jis ko qadr-e-dil nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
