kar de dil nazuk kisi zalim ke hawale az rah-e-mohabbat

kar de dil nāzuk kisī zālim ke havāle az rāh-e-mohabbat

be-dard zarā aur mohabbat kā mazā le nikle mirī hasrat

tū apne hī mānind kisī gul pe fidā ho jis meñ na vafā ho

paḌ jaa.eñ mirī tarh tujhe jaan ke laale aa jaa.e tabī'at

is ganj-e-kHudā-dād se saa.il ko bhī dilvā ruḳhsār kā bosa

ai bādshāh husn faqīroñ kī du'ā le baḌhtī rahe daulat

ḳhud jaan se be-zār huuñ hai kis ko Darātā ḳhanjar hai dikhātā

ik jān-e-hazīñ hai ise tū le ki ḳhudā le kaT jaa.e musībat

'qābil' vo hameñ dekh ke ḳhush hotā hai kyā kyā ġhairoñ se hai kahtā

allāh use ranj-o-musībat meñ na Daale ye dam hai ġhanīmat

kar de dil nazuk kisi zalim ke hawale az rah-e-mohabbat

be-dard zara aur mohabbat ka maza le nikle meri hasrat

tu apne hi manind kisi gul pe fida ho jis mein na wafa ho

paD jaen meri tarh tujhe jaan ke lale aa jae tabi'at

is ganj-e-kHuda-dad se sail ko bhi dilwa ruKHsar ka bosa

ai baadshah husn faqiron ki du'a le baDhti rahe daulat

KHud jaan se be-zar hun hai kis ko Daraata KHanjar hai dikhata

ek jaan-e-hazin hai ise tu le ki KHuda le kaT jae musibat

'qabil' wo hamein dekh ke KHush hota hai kya kya ghairon se hai kahta

allah use ranj-o-musibat mein na Dale ye dam hai ghanimat