zara irshad ho phir kya kaha marne se kya hoga

zarā irshād ho phir kyā kahā marne se kyā hogā

agar hai vasl to phir is meñ 'ālam mubtalā hogā

liye ho haath meñ ḳhanjar to phir ab sochte kyā ho

tumhārā naam hogā aur hamārā faisla hogā

ḳhudā raazī rahe duniyā kī mujh ko kuchh nahīñ parvā

burā hogā to kyā hogā bhalā hogā to kyā hogā

hazāroñ minnateñ kiiñ par na maanī ek bhī tum ne

zarā sī baat sun loge to ai jaañ is meñ kyā hogā

maiñ kuchh 'āshiq nahīñ jo bas karūñ sahrā-navardī par

mirā charchā jahāñ meñ qais-o-lailā se sivā hogā

nahīñ vo case maiñ lailā kī ulfat meñ jo majnūñ thā

mirā shohra to bā'd-e-marg us se bhī sivā hogā

zara irshad ho phir kya kaha marne se kya hoga

agar hai wasl to phir is mein 'alam mubtala hoga

liye ho hath mein KHanjar to phir ab sochte kya ho

tumhaara nam hoga aur hamara faisla hoga

KHuda raazi rahe duniya ki mujh ko kuchh nahin parwa

bura hoga to kya hoga bhala hoga to kya hoga

hazaron minnaten kin par na mani ek bhi tum ne

zara si baat sun loge to ai jaan is mein kya hoga

main kuchh 'ashiq nahin jo bas karun sahra-nawardi par

mera charcha jahan mein qais-o-laila se siwa hoga

nahin wo case main laila ki ulfat mein jo majnun tha

mera shohra to ba'd-e-marg us se bhi siwa hoga