ذرا ارشاد ہو پھر کیا کہا مرنے سے کیا ہوگا

ذرا ارشاد ہو پھر کیا کہا مرنے سے کیا ہوگا

اگر ہے وصل تو پھر اس میں عالم مبتلا ہوگا

لئے ہو ہاتھ میں خنجر تو پھر اب سوچتے کیا ہو

تمہارا نام ہوگا اور ہمارا فیصلا ہوگا

خدا راضی رہے دنیا کی مجھ کو کچھ نہیں پروا

برا ہوگا تو کیا ہوگا بھلا ہوگا تو کیا ہوگا

ہزاروں منتیں کیں پر نہ مانی ایک بھی تم نے

ذرا سی بات سن لوگے تو اے جاں اس میں کیا ہوگا

میں کچھ عاشق نہیں جو بس کروں صحرانوردی پر

مرا چرچا جہاں میں قیس و لیلیٰ سے سوا ہوگا

نہیں وہ قیسؔ میں لیلیٰ کی الفت میں جو مجنوں تھا

مرا شہرہ تو بعدِ مرگ اُس سے بھی سوا ہوگا