hum apne dard ko duniya mein kaise aam karen

ham apne dard ko duniyā meñ kaise aam kareñ

haiñ vo kahāñ jo mohabbat kā ehtirām kareñ

banā leñ apnī nigāhoñ ko tarjumāñ dil kā

na tum kalām kaaro aur na ham kalām kareñ

isī ummīd pe baiThe hue haiñ ham nākām

nazar milā.eñ vo ham se to ham kalām kareñ

hamāre zohd kī zāmin hai duurī saaqī

vo ḳhud pilā.e to tauba ko nazar-e-jām kareñ

hum apne dard ko duniya mein kaise aam karen

hain wo kahan jo mohabbat ka ehtiram karen

bana len apni nigahon ko tarjuman dil ka

na tum kalam karo aur na hum kalam karen

isi ummid pe baiThe hue hain hum nakaam

nazar milaen wo hum se to hum kalam karen

hamare zohd ki zamin hai duri saqi

wo KHud pilae to tauba ko nazar-e-jam karen