lala-o-gul ki na ye baad-e-saba ki baat hai

lāla-o-gul kī na ye bād-e-sabā kī baat hai

ḳhūn-e-dil kā zikr hai rañg-e-hinā kī baat hai

ye jo dīvānoñ ke lab par dil-rubā kī baat hai

is ko kyā samjhegī duniyā ye vafā kī baat hai

mere mālik terī duniyā meñ ye kyā hone lagā

har taraf zulm-o-sitam jaur-o-jafā kī baat hai

kyuuñ na ab taqdīr chamke rah-ravān-e-shauq kī

jis taraf dekho unhīñ ke naqsh-e-pā kī baat hai

merī duniyā luuT lī jis be-vafā ne dosto

kyā karūñ lab par usī kāfir adā kī baat hai

jis ne apne sāz-e-hastī par sunā.ī thī ġhazal

un kī mahfil meñ usī naġhma-sarā kī baat hai

chashm-e-sāqī kā ishāra pā ke tauba toḌ dī

ye to 'kashfī' aap jaise bā-vafā kī baat hai

lala-o-gul ki na ye baad-e-saba ki baat hai

KHun-e-dil ka zikr hai rang-e-hina ki baat hai

ye jo diwanon ke lab par dil-ruba ki baat hai

is ko kya samjhegi duniya ye wafa ki baat hai

mere malik teri duniya mein ye kya hone laga

har taraf zulm-o-sitam jaur-o-jafa ki baat hai

kyun na ab taqdir chamke rah-rawan-e-shauq ki

jis taraf dekho unhin ke naqsh-e-pa ki baat hai

meri duniya luT li jis be-wafa ne dosto

kya karun lab par usi kafir ada ki baat hai

jis ne apne saz-e-hasti par sunai thi ghazal

un ki mahfil mein usi naghma-sara ki baat hai

chashm-e-saqi ka ishaara pa ke tauba toD di

ye to 'kashfi' aap jaise ba-wafa ki baat hai