unki wafa wafa hai na unki jafa jafa

un kī vafā vafā hai na un kī jafā jafā

qātil hai qatl kartī hai dil ko har ik adā

ye nukta-e-latīf hai ahl-e-junūñ kā raaz

samjheñge ramz-e-’ishq ko ham aap kyā bhalā

insāniyat ke naam par insāniyat-kushī

insān kar rahā hai ise ho gayā hai kyā

hai husn aisī chiiz ki saare jahān meñ

is kī nazīr koī bhī ab tak na pā sakā

saarā zamāna un kā fidā.ī hai ai 'qasīm'

charachā hai un ke husn kā har samt barmalā

un ki wafa wafa hai na un ki jafa jafa

qatil hai qatl karti hai dil ko har ek ada

ye nukta-e-latif hai ahl-e-junun ka raaz

samjhenge ramz-e-’ishq ko hum aap kya bhala

insaniyat ke nam par insaniyat-kushi

insan kar raha hai ise ho gaya hai kya

hai husn aisi chiz ki sare jahan mein

is ki nazir koi bhi ab tak na pa saka

sara zamana un ka fidai hai ai 'qasim'

characha hai un ke husn ka har samt barmala