wo kya insan hai jo muskurae shadman ho kar

vo kyā insān hai jo muskurā.e shādmāñ ho kar

mazā jab hai hañse vo said rañj-e-be-karāñ ho kar

na dil-bardashta ho aadmī nā-kāmiyābī se

na ho maġhrūr hargiz bā-murād-o-kāmrāñ ho kar

pata kyūñ-kar vo apnī manzil-e-maqsūd kā paa.e

bajā.e sa'ī jo rah jaa.e mahv-e-īñ-o-āñ ho kar

banā lo āshiyāñ apnā usī ujḌe chaman meñ phir

kahāñ ai ’andalībo jāoge be-ḳhānumāñ ho kar

na 'aish-e-zindagī ko dā.imī is dahr meñ samjho

na ho māyūs hargiz vaqf-e-ālām-e-jahāñ ho kar

na pahuñchā go sar-e-manzil ‘qasīm-e-kHasta-jāñ hamdam

magar ḳhaak us kī jā pahuñchī ġhubār-e-kārvāñ ho kar

wo kya insan hai jo muskurae shadman ho kar

maza jab hai hanse wo said ranj-e-be-karan ho kar

na dil-bardashta ho aadmi na-kaamiyabi se

na ho maghrur hargiz ba-murad-o-kaamran ho kar

pata kyun-kar wo apni manzil-e-maqsud ka pae

bajae sa'i jo rah jae mahw-e-in-o-an ho kar

bana lo aashiyan apna usi ujDe chaman mein phir

kahan ai ’andalibo jaoge be-KHanuman ho kar

na 'aish-e-zindagi ko daimi is dahr mein samjho

na ho mayus hargiz waqf-e-alam-e-jahan ho kar

na pahuncha go sar-e-manzil ‘qasim-e-kHasta-jaan hamdam

magar KHak us ki ja pahunchi ghubar-e-karwan ho kar