Sufinama

qatra wahi ki ru-kash-e-dariya kahen jise

Aasi Ghazipuri

qatra wahi ki ru-kash-e-dariya kahen jise

Aasi Ghazipuri

MORE BYAasi Ghazipuri

    qatra vahī ki rū-kash-e-dariyā kaheñ jise

    ya.anī vo maiñ kyuuñ na huuñ tujh kaheñ jise

    vo ik nigāh ai dil-e-mushtāq is taraf

    āshob-gāh-e-hashr-e-tamanā kaheñ jise

    bīmār-e-ġham chāragarī kuchh zarūr hai

    vo dard dil meñ de ki masīhā kaheñ jise

    ai husn-e-jalva-e-ruḳh-e-jānāñ kabhī kabhī

    taskīn-e-chashm-e-shauq-e-nazzārā kaheñ jise

    is zo.af meñ tahammul-e-harf-o-sadā kahāñ

    haañ baat vo kahūñ ki na kahnā kaheñ jise

    ye baḳhshish apne banda-e-nāchīz ke liye

    thoḌī pūñjī aisī ki duniyā kaheñ jise

    vo ek zarra ḳhāk-e-qadam bahr-e-chashm-e-shuaq

    muusā nigāh-e-mahr-e-tajallā kaheñ jise

    ham-bazm ho raqīb to kyūñkar na chheḌiye

    āhañg-e-sāz-e-dard ki naalā kaheñ jise

    paimāna-e-nigāh se āḳhir chhalak gayā

    sar-josh-e-zauq-e-vasl-e-tamannā kaheñ jise

    'āsī' jo gul se gaal kisī ke hue to kyā

    ma.ashūq vo ki sab se nirālā kaheñ jise

    qatra wahi ki ru-kash-e-dariya kahen jise

    yani wo main hi kyun na hun tujh sa kahen jise

    wo ek nigah ai dil-e-mushtaq is taraf

    aashob-gah-e-hashr-e-tamana kahen jise

    bimar-e-gham ki chaaragari kuchh zarur hai

    wo dard dil mein de ki masiha kahen jise

    ai husn-e-jalwa-e-ruKH-e-jaanan kabhi kabhi

    taskin-e-chashm-e-shauq-e-nazzara kahen jise

    is zoaf mein tahammul-e-harf-o-sada kahan

    han baat wo kahun ki na kahna kahen jise

    ye baKHshish apne banda-e-nachiz ke liye

    thoDi si punji aisi ki duniya kahen jise

    wo ek zarra KHak-e-qadam bahr-e-chashm-e-shuaq

    musa nigah-e-mahr-e-tajalla kahen jise

    ham-bazm ho raqib to kyunkar na chheDiye

    aahang-e-saz-e-dard ki nala kahen jise

    paimana-e-nigah se aaKHir chhalak gaya

    sar-josh-e-zauq-e-wasl-e-tamanna kahen jise

    'asi' jo gul se gal kisi ke hue to kya

    mashuq wo ki sab se nirala kahen jise

    Source :
    • Book : Diwan-e-aasi (Pg. 73)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY