raat ko be-KHabar rahe aap to KHwab-e-naz mein

raat ko be-ḳhabar rahe aap to ḳhvāb-e-nāz meñ

niiñd na aa.ī sub.h tak ham ko shab-e-darāz meñ

aur kisī kā nuur hai us mah-e-dil-navāz meñ

aks ko dekh be-ḳhabar ā.īna-e-majāz meñ

dekhiye faisla ho kyā naaz aur niyāz meñ

jā.eñge be-bulā.e phir yaar kī bazm-e-nāz meñ

aap idhar bhī aa.iye ḳhalvat-e-nāz se kabhī

arz kareñge ham bhī kuchh anjuman-e-niyāz meñ

qissa-e-zulf chheḌ kar dil ne baḌā karam kiyā

aur bhī tuul baḌh gayā mirī shab-e-darāz meñ

dekh kar āsmāñ ko ham to zamīñ meñ gaḌ ga.e

jab na kahīñ jagah milī aap kī bazm-e-nāz meñ

rose haiñ jā ke baiThte rose uThā.e jaate haiñ

qudrat bahut hai āj-kal yaar kī bazm-e-nāz meñ

qalb-o-jigar pe ai 'jigar' kyā kahīñ kyā guzrā

donoñ-jahān luT ga.e ik nigāh-e-nāz meñ

raat ko be-KHabar rahe aap to KHwab-e-naz mein

nind na aai subh tak hum ko shab-e-daraaz mein

aur kisi ka nur hai us mah-e-dil-nawaz mein

aks ko dekh be-KHabar aaina-e-majaz mein

dekhiye faisla ho kya naz aur niyaz mein

jaenge be-bulae phir yar ki bazm-e-naz mein

aap idhar bhi aaiye KHalwat-e-naz se kabhi

arz karenge hum bhi kuchh anjuman-e-niyaz mein

qissa-e-zulf chheD kar dil ne baDa karam kiya

aur bhi tul baDh gaya meri shab-e-daraaz mein

dekh kar aasman ko hum to zamin mein gaD gae

jab na kahin jagah mili aap ki bazm-e-naz mein

rose hain ja ke baiThte rose uThae jate hain

qudrat bahut hai aaj-kal yar ki bazm-e-naz mein

qalb-o-jigar pe ai 'jigar' kya kahin kya guzra

donon-jahan luT gae ek nigah-e-naz mein