raat us tunuk-mizaj se kuchh baat baDh gai

raat us tunuk-mizāj se kuchh baat baḌh ga.ī

vo ruuTh kar gayā to ġhazab raat baḌh ga.ī

ye kahiyo ham-nashīñ mujhe kyā kyā na kah ga.e

maiñ ghaT gayā na aap kī kuchh zaat baḌh ga.ī

bose ke naam hī pe lage kāTne zabāñ

kitnī amal se aage mukāfāt baḌh ga.ī

chashmoñ se mere shahr meñ tūfān-e-girya hai

nādān jānte haiñ ki barsāt baḌh ga.ī

samjhā thā maiñ kamar hī talak zulf kā kamāl

vo paañv se bhī aage ka.ī haat baḌh ga.ī

aġhyār se nahīñ hai sarokār yaar ko

mere ba-raġhm un pe ināyāt baḌh ga.ī

be-tauriyoñ se us kī 'bayāñ' maiñ to khiñch rahā

ġhairoñ kī us ke saath mulāqāt baḌh ga.ī

raat us tunuk-mizaj se kuchh baat baDh gai

wo ruTh kar gaya to ghazab raat baDh gai

ye kahiyo ham-nashin mujhe kya kya na kah gae

main ghaT gaya na aap ki kuchh zat baDh gai

bose ke nam hi pe lage kaTne zaban

kitni amal se aage mukafat baDh gai

chashmon se mere shahr mein tufan-e-girya hai

nadan jaante hain ki barsat baDh gai

samjha tha main kamar hi talak zulf ka kamal

wo panw se bhi aage kai hat baDh gai

aghyar se nahin hai sarokar yar ko

mere ba-raghm un pe inayat baDh gai

be-tauriyon se us ki 'bayan' main to khinch raha

ghairon ki us ke sath mulaqat baDh gai