kya KHabar tumko ke kya karata hai ishq

kyā ḳhabar tum ko ke kyā karatā hai 'ishq

bādshāhoñ ko gadā karatā hai 'ishq

rasm-e-ulfat yuuñ adā karatā hai 'ishq

neze par qur.āñ paḌhā karatā hai 'ishq

'aish-o-'ishrat sab fanā karatā hai 'ishq

dil se duniyā ko judā karatā hai 'ishq

dar-haqīqat rahtī hai us kī baqā

zaat ko jis kī fanā karatā hai 'ishq

dil ko bhātī hī nahīñ phir rāhateñ

dard-e-ulfat jab 'atā karatā hai 'ishq

daar par de kar anal-haq kī sadā

hañs ke suulī par chaḌhā karatā hai 'ishq

ibtidā jis kī meñh meñ kī thī us kī

karbalā meñ intihā karatā hai 'ishq

ban gayā 'darvesh' dekho to rafīq

aur aage dekho kyā karatā hai 'ishq

kya KHabar tum ko ke kya karata hai 'ishq

baadshahon ko gada karata hai 'ishq

rasm-e-ulfat yun ada karata hai 'ishq

neze par quran paDha karata hai 'ishq

'aish-o-'ishrat sab fana karata hai 'ishq

dil se duniya ko juda karata hai 'ishq

dar-haqiqat rahti hai us ki baqa

zat ko jis ki fana karata hai 'ishq

dil ko bhati hi nahin phir rahaten

dard-e-ulfat jab 'ata karata hai 'ishq

dar par de kar anal-haq ki sada

hans ke suli par chaDha karata hai 'ishq

ibtida jis ki meinh mein ki thi us ki

karbala mein intiha karata hai 'ishq

ban gaya 'darwesh' dekho to rafiq

aur aage dekho kya karata hai 'ishq